Smartsaver RESP and CLB Information

ᒋᔭᓂᒪᒋᑕᓂᐊᐧᐠ

ᑲᑫᐧᑌᐧᐃᐧᓇᐣ

  1. ᑫᑯᓀᐣ ᑕᐡ ᐱᐊᐧᐱᑯᐠ ᒋᑭᐅᒋ ᒧᐡᑭᓀᐱᐦᐃᑫᔭᐣ ᒋᑌᐱᓇᒪᐣ ᐊᒋᑫᐦᐃᑯᐃᐧᐣ ᐁᑲᐧ ᒥᐡᑲᐧᐨ ᐁᑲ ᒋᔕᔭᐣ ᐣᔓᓂᔭᐃᐧᑲᒥᑯᐠ?

    ᑭᓂᑯ ᑲᐃᔑᓇᐦᐁᑕᒪᐣ ᑲᑐᑕᐣ ᐃᐧᒪᒋᑐᔭᐣ ᐊᒋᑫᐦᐃᑯᐃᐧᐣ. ᐅᐁᐧ ᐯᔑᐠ ᐱᐊᐧᐱᑯᐠ ᑲᐅᒋᐊᐸᑕᐠ ᐅᒋᐁᐧᐣᒋᓭ ᒥᓇ ᑲᐃᐧᐣ ᑯᑕᑭᔭᐣ ᑫᑯᓇᐣ ᐊᑫᐧᑕᐃᐧ ᐊᑭᑕᒪᑫᐃᐧᓇᐣ ᒋᑕᑲᐧᑭᐣ. ᑲᑭᓇᑐᑕᒪᑫ ᐯᔑᑲᐧᐣ ᒋᓇᑕᒪᑯᔭᐣ ᐊᒋᑫᐦᐃᑯᐃᐧᓇᐣ ᐊᐱ ᐃᔕᔭᐣ ᑭᔓᓂᔭᐃᐧᑲᒥᑯᐠ.

  2. ᐊᓂᐣ ᑭᐡᐱᐣ ᐣᔓᓂᔭᐃᐧᑲᒥᑯᐠ ᐁᑲ ᐅᒪ ᐅᒋᐸᑭᑎᓂᑲᑌᐠ ᐅᐁᐧ ᑐᑲᐣ ᐊᒋᑫᐦᐃᑯᐃᐧᐣ?

    ᑲᐃᐧᐣ ᑭᔭᑦ ᐃᒪ ᑭᑕᐃᔑ ᐅᑕᒋᑫᐃᐧᑲᒥᑯᓯᐣ ᐱᑯ ᐊᐣᑎ ᔓᓂᔭᐃᐧᑲᒥᑯᐠ ᐃᐧᒪᒋᑐᔭᐣ ᐊᒋᑫᐦᐃᑯᐃᐧᐣ. ᑲᑭᐸᑭᓇᐣ ᐊᒋᑫᐃᐧᐣ ᐱᑯ ᐊᐣᑎ ᑲᐅᒋᐃᐧᑕᓄᑭᒥᑯᔭᐠ ᔓᓂᔭᐃᐧᑲᒥᑯᐣ ᐃᐧᒧᐡᑭᓀᐱᐦᐃᑫᔭᐣ ᐊᒋᑫᐦᐃᑯᐃᐧᐣ. ᐱᑯ ᐊᐣᑎ ᑲᑭᐃᔑᐸᑭᓇᐣ ᐅᐁᐧᓂ ᑲᑲᓇᐊᐧᐸᑕᒧᐊᐧᐨ ᑲᓇᑕ ᐃᐡᑯᓄᐃᐧ ᐊᒋᑫᐦᐃᑯᐃᐧᓂ.

    ᒥᓇᐊᐧ ᑭᑕᑲᓄᓇ ᑲᐃᔑᐊᒋᑫᔭᐣ ᔓᓂᔭᐃᐧᑲᒥᑯᐠ ᒋᔑᑲᑫᐧᑌᔭᐣ ᒋᒪᒋᒋᑲᑌᐠ ᑭᑎᐡᑯᓄᐃᐧ ᐊᒋᑫᐦᐃᑯᐃᐧᐣ.

  3. ᐊᓇᐱ ᑫᐱᐅᒋᑲᓄᓂᑯᔭᐣ ᔓᓂᔭᐃᐧᑲᒥᑯᐠ?

    ᔐᒪᐠ ᑕᐃᔑᓂᔕᐦᐃᑲᑌ ᑭᑭᐃᔑ ᒧᐡᑭᓀᐱᐦᐃᑲᐣ ᔓᓂᔭᐃᐧᑲᒥᑯᐠ. ᐊᐱ ᐸᑭᑎᓇᒪᐣ ᑭᒧᐡᑭᓀᐱᐦᐃᑲᐣ ᑲᐱᑲᓄᓂᑯ ᐊᑯᓇᐠ ᓂᐦᓱᑯᐣ ᑭᐃᓯᓭᐠ. ᑭᐡᐱᐣ ᑭᓇᐃᐧᐱᐦᐅᔭᐣ ᒋᐱᑲᓄᓂᑲᐧ ᐃᔑᒪᓯᓇᐦᐃᑫᐣ ᐱᐊᐧᐱᑯᐠ ᐅᒪ info@smartsaver.org ᓇᐣᑕ ᐃᔑᑭᑐᐣ ᐅᒪ 1-855-RESP-CLB (737-7252)

  4. ᐊᔕ ᐣᑕᔭᐣ ᐅᐁᐧ RESP. ᐣᑲᒥᓂᑯ ᓇᐦ ᐃᐁᐧ ᑯᑕᐠ ᑲᓇᑕ ᐃᐡᑯᓄᐃᐧ ᐊᒋᑫᐦᐃᑯᐃᐧᐣ?

    ᑭᐡᐱᐣ ᐊᔭᐊᐧᓀᐣ RESP, ᒪᐡᑯᐨ ᐊᔕ ᑭᑕᔭᓇᑐᐠ ᑲᓇᑕ ᐃᐡᑯᓄᐃᐧ ᐊᒋᑫᐦᐃᑯᐃᐧᐣ. ᑲᓄᐡ ᑲᐊᓄᑲᑕᐠ ᒋᓇᓇᑕᐃᐧᑭᑫᑕᒪᐣ.

  5. ᐊᐁᐧᓀᐣ ᑫᑭᐊᐸᒋᑐᐨ ᐅᐁᐧᓂ ᐊᒋᑫᐦᐃᑯᐃᐧᓂ?

    ᐅᐁᐧ ᑲᑭᐅᒋ ᒪᒋᒋᑲᑌᐠ ᐊᒋᑫᐦᐃᑯᐃᐧᐣ ᒋᐃᐧᒋᐦᐃᑯᐊᐧᐨ ᑎᐯᒋᑫᐃᐧᓇᐣ ᐃᐡᑯᓄᐃᐧ ᐊᒋᑫᐦᐃᑯᐃᐧᓂ. ᑭᔭᐱᐨ ᐃᐧᓇᓇᑕᐃᐧᑭᑫᑕᒪᐣ ᐅᐁᐧ ᒪᑯᓇᐣ ᐅᐁᐧ click here.

  6. ᐊᐁᐧᓀᐣ ᑫᑭᐊᔭᒥᐦᐊᑭᐸᐣ ᑲᒧᐡᑭᓀᐱᐦᐊᑲᓄᐊᐧᐠ ᐊᒋᑫᐦᐃᑯᐃᐧᐣ ᐱᐊᐧᐱᑯᐠ SmartSAVER.org?

    ᐱᒪᓯᓇᐦᐊᒪᐃᐧᔑᓇᑦ ᐅᒪ info@smartsaver.org ᓇᐣᑕ ᐃᔑᑭᑐᐣ ᐅᒪ 1-855-RESP-CLB (737-7252). ᑫᒋᐊᐧᐠ ᐊᐃᐧᔭ ᑲᐅᒋᐃᓀᑕᒪᑫᐨ ᑕᑲᐧᐣ ᐅᐡᑭᑭᔑᑲᐠ ᐊᑯᓇᐠ ᐸᑫᐧᔑᑲᐣᑭᔑᑲᐠ 9 ᑭᔐᐸᔭᐠ ᐊᑯᓇᐠ 5 ᐅᓇᑯᔑᐠ.

  7. ᐊᓂᐣ ᐁᓇᐸᒋᒋᑲᑌᐠ ᑎᐱᓇᐁᐧ ᐣᑎᐸᒋᒥᑯᐃᐧᐣ ᒥᓇ ᐊᓂᐣ ᐁᔑᑲᓇᐁᐧᒋᑲᑌᑭᐣ?

    ᐃᒪ ᔓᓂᔭᐃᐧᑲᒥᑯᐠ ᑲᐃᔑᐊᒋᑫᔭᐣ ᐅᑕᑯᑲᓇᐁᐧᑕᓇᐊᐧ ᑭᑎᐱᓇᐁᐧ ᑎᐸᒋᒥᑯᐃᐧᓇᐣ. ᐁᑲᐧ ᐃᐧᐣ SmartSAVER ᑲᐃᐧᐣ ᒋᑲᓇᐁᐧᑕᒧᐊᐧᐨ ᑎᐱᓇᐁᐧ ᐊᐃᐧᔭ ᐅᑎᐸᒋᒥᑯᐃᐧᓇᐣ ᑐᑲᐣ ᐅᑕᓄᑭᐃᐧᐊᑭᑕᓱᐃᐧᐣ. ᐃᐧᓇᓇᑕᐃᐧᑭᑫᑕᒪᐣ ᐊᓂᐣ ᐁᑐᒋᑲᑌᐠ ᑲᑲᓇᐁᐧᒋᑲᑌᐠ ᑭᑎᐸᒋᒥᑯᐃᐧᐣ, ᐊᐧᐸᑕᐣ ᑲᐃᓇᑯᓂᑲᑌᐠ ᐅᒪ Privacy Policy.

  8. ᐊᓂᐣ ᒥᓂᑯᐠ ᑫᐃᓇᑭᑕᒪᑯᔭᐣ ᐃᐧᐸᑭᓇᒪᐣ ᐊᒋᑫᐦᐃᑯᐃᐧᐣ?

    ᑲᐃᐧᐣ ᓇᐣᑕ ᑲᐃᓇᑭᑕᒪᑯᓯᐣ ᒪᒪᑕᐊᐧᐱᑯᐠ ᐃᐧᐅᒋ ᒧᐡᑭᓀᐱᐦᐃᑫᔭᐣ ᐊᒋᑫᐦᐃᑯᐃᐧᐣ. ᐅᒪ ᑲᐅᒋᐃᐧᑕᓄᑭᒥᑐᐊᐧᐨ ᑲᐸᑭᑎᓇᒧᐊᐧᐨ ᐅᐁᐧᓂ ᐊᒋᑫᐦᐃᑯᐃᐧᓂ ᑭᐃᓇᑕᒪᑫᐊᐧᐠ ᒋᐁᐧᑕᓂᐠ ᐊᐃᐧᔭᐠ ᐃᐧᐊᐸᒋᑐᐊᐧᐨ. ᑲᐃᐧᐣ ᑲᓇᑕᐁᐧᑕᒪᑯᓯᐣ ᓂᑲᐣ ᒋᐊᓴᐨ ᑭᔓᓂᔭᑦ ᐅᒪ ᑭᑕᐊᐧᔑᔑᑦ ᑲᐃᐧᐊᒋᑫᐦᐊᐨ ᐅᑎᐡᑯᓄᐃᐧ ᐊᒋᑫᐦᐃᑯᐃᐧᓂᐠ.

  9. ᐊᓂᐣ ᐁᔑᐅᓇᑌᐠ ᐅᐁᐧ?

    ᐅᒪ ᑲᓇᑕ ᐃᐡᑯᓄᐃᐧ ᐊᒋᑫᐦᐃᑯᐃᐧᐣ ᒣᑲᐧᐨ ᑲᑭᒋᐃᐡᑯᓄᐊᐧᐨ ᐅᑲᑭᐃᔑ ᐊᐸᒋᐦᐊᐊᐧᐣ ᐅᓄ ᑲᐱᒥᐊᒋᑫᐦᐃᐨ ᐁᑲᐧ ᐊᔕ ᒋᑲᑫᐧᐊᐸᒋᐦᐊᐨ ᐁᒪᐧᔦ 36 ᑕᓱᔭᑭ ᑭᔑᐱᓭᓂᐠ. ᑭᐡᐱᐣ ᐁᑲ ᐅᑕᐱᓇᐠ ᑭᒋᐃᐡᑯᓄᐃᐧᓂ, ᐃᒪ ᑲᑭᐅᒋᐸᑭᑎᓂᐨ ᐊᒋᑫᐦᐃᑯᐃᐧᐣ ᑕᐃᔑᑭᐁᐧᐸᑭᑎᓇ ᐅᑭᒪᐃᐧᓂᐠ. ᐁᑲᐧ ᒥᓇ ᑭᐡᐱᐣ ᑫᑭᐣ ᐃᒪ ᑲᑭᐅᒋᐊᓴᐨ ᑭᐣ ᐊᐁᐧ ᑭᑎᐱᓇᐁᐧᐢ ᒥᓇ ᑲᑭᐁᐧᓇᒪᑯ.