ᒧᒋᐸᑭᑎᓇᑲᓄ ᐃᐡᑯᓄᐃᐧ ᔓᓂᔭ

ᑲᓇᑕ ᑭᑭᓄᐦᐊᒪᑫᐃᐧ ᐸᑭᑎᓂᑫᐃᐧᐣ

ᑲᑭᑌᐱᓇ ᐊᑯᓇᐠ $2000 ᑲᒧᒋᐸᑭᑎᓇᑲᓄᐨ ᐃᐡᑯᓄᐃᐧ ᔓᓂᔭ … ᑌᐯᐧ ᑭᑎᑯ. ᒥᐁᑕ ᑫᑐᑕᒪᐣ ᒋᐸᑭᓇᒪᐣ ᐱᐣᑎᑫᐱᐦᐅᑯᐃᐧᐣ ᐃᐡᑯᓄᐃᐧ ᒪᐊᐧᒋᒋᑫᐦᐃᑯᐃᐧ ᐃᐧᒋᐦᐃᑯᐃᐧᓇᐣ (RESP). ᑲᐃᐧᐣ ᑭᔭᑦ ᑲᐊᓴᓯᐣ ᑭᔓᓂᔭᑦ ᐅᒪ ᒪᐊᐧᒋᒋᑫᐃᐧᓂᐠ ᐃᐧᐅᐣᑎᓇᐨ ᔓᓂᔭ ᑲᓇᑕ ᐅᑭᒪᐃᐧᐣ ᑲᐸᑭᑎᓇᐨ. ᐊᐱ ᐸᑭᓇᒪᐣ ᒪᐊᐧᒋᒋᑫᐃᐧᐣ, ᐅᑭᒪᐃᐧᐣ ᔐᒪᐠ ᐅᑲᐊᓴᐣ $500 ᐁᑲᐧ ᐅᑲᑭᐊᓴᐣ ᑭᔭᐱᐨ $1,500 ᐊᐱ ᑭᑕᐊᐧᔑᔑᑦ ᐊᓂ ᓂᔭᓄᔕᐳᔭᑭᐃᐧᓀᐨ. ᐊᑯᓇᐠ $2000 ᑕᑭᒥᓇᑲᓄ ᑭᑕᐊᐧᔑᔑᑦ ᒋᐃᐡᑯᓄᐊᐧᑫᐨ ᑭᒋᐃᐡᑯᓄᐃᐧᓂᐠ ᐊᐱ ᑭᔑᑐᐨ ᐦᐊᔾ ᐢᑯᓫ.

ᑕᑭᒥᓇᑲᓄ ᓇᐦ ᑭᑕᐊᐧᔑᔑᑦ ᐅᐁᐧᓂ ᑲᓇᑕ ᑭᑭᓄᐦᐊᒪᑫᐃᐧ ᐸᑭᑎᓂᑫᐃᐧᐣ.

ᑭᑕᐊᐧᔑᔑᑦ ᑕᑭᒥᓇᑲᓄ ᐅᐁᐧᓂ ᑲᓇᑕ ᑭᑭᓄᐦᐊᒪᑫᐃᐧ ᐸᑭᑎᓂᑫᐃᐧᐣ ᑭᐡᐱᐣ ᐁᑭᓂᑕᐃᐧᑭᐨ ᒉᐣᐁᐧᕑᐃ ᐱᓯᑦ 1 2004 ᒥᓇ ᐱᓂᐡ ᐊᐊᐧᓯᑌ.

ᐁᑲᐧ ᑫᑭᐣ ᑐᑕᐣ ᑭᑕᐊᐧᔑᔑᑦ ᒋᒥᓇᑲᓄᐨ ᐅᐁᐧᓂ ᑲᓇᑕ ᑭᑭᓄᐦᐊᒪᑫᐃᐧᐣ ᐸᑭᑎᓂᑫᐃᐧᐣ ᓄᑯᑦ ᑲᑭᔑᑲᐠ.

ᐊᓂᐣ ᑫᑐᑕᒪᐣ ᒋᒥᓇᑲᓄᐨ ᐣᑕᐊᐧᔑᔑᑦ ᐅᐁᐧᓂ ᑲᓇᑕ ᑭᑭᓄᐦᐊᒪᑫᐃᐧᐣ ᐸᑭᑎᓂᑫᐃᐧᐣ.

ᐁᑲᐧ ᑫᑐᑕᒪᐣ ᒋᑌᐱᓇᒪᐣ ᑲᓇᑕ ᑭᑭᓄᐦᐊᒪᑫᐃᐧᐣ ᐸᑭᑎᓂᑫᐃᐧᐣ ᓂᑲᐣ ᒋᐸᑭᓇᒪᐣ RESP ᐊᒋᑫᐃᐧᐣ ᐃᒪ ᑲᒪᓯᓇᐦᐃᑲᓀᓯᐊᐧᐨ RESP ᑲᐱᒧᑐᐊᐧᐨ ᐁᑲᐧ ᐅᑭᒪᐃᐧᐣ ᐃᒪ ᒋᐃᔑᐱᐣᑕᑫᐧᐱᓇᐨ ᔓᓂᔭᐣ. ᑭᐣ ᐁᑲᐧ ᑭᑕᐊᐧᔑᔑᑦ ᑭᓇᑕᐁᐧᐣᑕᑯᓯᑦ ᒋᐊᔭᔦᐠ ᐊᓄᑭᐃᐧ ᒪᓯᓇᐦᐃᑲᓀᐢ ᑫᑭᐅᐣᒋ ᐱᐣᑎᑫᐱᐦᐅᑯᔦᐠ ᐃᐡᑯᓄᐃᐧ ᒪᐊᐧᒋᒋᑫᐃᐧ ᐅᓇᒋᑫᐃᐧᐣ ᒋᒥᓂᐨ ᑭᑕᐊᐧᔑᔑᑦ.

ᐊᓂᐣ ᐁᓇᑯᓂᑲᑌᐠ ᐅᐁᐧ.

ᐁᑲᐧ ᐅᐁᐧ ᑲᓇᑕ ᑭᑭᓄᐦᐊᒪᑫᐃᐧᐣ ᐸᑭᑎᓂᑫᐃᐧᐣ ᐃᒪ ᐁᑕ ᑕᑭᐃᔑᔭᐸᑕᐣ ᒣᑲᐧᐨ ᑭᒋᐃᐡᑯᓄᐃᐧᐣ ᑲᐅᑕᐱᓂᑲᑌᐠ. ᑫᒋᓇᐨ ᑕᐡ ᑭᑕᐊᐧᔑᔑᑦ ᒋᑲᑫᐧᐊᐸᒋᑐᐨ ᓇᐣᑕ ᑕᑭᐡᑭᓇᒪᐊᐧᑲᓄ. ᑭᐡᐱᐣ ᑭᑕᐊᐧᔑᔑᑦ ᐁᑲ ᐃᐧᐱᒥ ᐃᐡᑯᓄᐃᐧᐨ ᐃᐡᑲᐧ ᑭᔑᑐᐨ ᐦᐊᔾ ᐢᑯᓫ, ᐅᑭᒪᐃᐧᐣ ᑕᐃᔑᒋᑫ ᒋᑭᐁᐧᐅᑕᐱᓇᐨ ᑲᓇᑕ ᑭᑭᓄᐦᐊᒪᑫᐃᐧᐣ ᐸᑭᑎᓂᑫᐃᐧᐣ ᑲᑭᐊᒋᑫᐦᐊᐸᐣ ᑭᑕᐊᐊᐧᔑᔑᒪᐣ.

ᑭᔭᐱᐨ ᓇᓇᑕᐃᐧᑭᑫᐣᑕᐣ ᐅᐁᐧ ᑲᓇᑕ ᐅᑭᒪᐃᐧᐣ ᑲᑭᐅᓇᑐᐨ Canada's Canada Learning Bond brochure.

ᑭᔭᑦ ᐃᑯ ᒥᓴᐊᐧᐨ ᐁᑲ ᐅᒪ ᐃᓯᓭᓂᐠ ᒋᐅᐣᒋᒥᓂᐨ ᑭᑕᐊᐧᔑᔑᑦ ᐅᐁᐧᓂ ᑲᓇᑕ ᑭᑭᓄᐦᐊᒪᑫᐃᐧ ᐸᑭᑎᓂᑫᐃᐧᓂ, ᑭᔭᐱᐨ ᑭᑕᐅᐣᑎᓇ ᐅᑭᒪᐅᓂ ᔓᓂᔭ ᑭᑕᐊᐧᔑᔑᐨ ᒋᐃᔑᐊᐸᒋᐦᐊᐨ ᐅᑎᐡᑯᓄᐃᐧᓂᐠ. ᓇᓇᑕᐃᐧᑭᑫᐣᑕᐣ ᐅᐁᐧ Canada Education Savings Grant.