Smartsaver RESP and CLB Information


ᒧᒋᐸᑭᑎᓇᑲᓄ ᐃᐡᑯᓄᐃᐧ ᔓᓂᔭ

ᑲᓇᑕ ᐃᐡᑯᓄᐃᐧ ᒪᐊᐧᒋᒋᑫᐃᐧᐣ ᐅᑭᒪᐃᐧᐣ ᑲᐸᑭᑎᓇᐨ

ᐅᐁᐧ ᑲᓇᑕ ᐃᐡᑯᓄᐃᐧ ᒪᐊᐧᒋᒋᑫᐃᐧᐣ ᐅᑭᒪᐃᐧᐣ ᑲᐸᑭᑎᓇᐨ (CESG) ᒥᐦᐅᒪ ᑲᔦ ᑯᑕᐠ ᑲᓇᑕ ᐅᑭᒪᐃᐧᐣ ᑲᐅᐣᒋᐸᑭᑎᓇᐨ ᔓᓂᔭᐣ ᑭᑕᐊᐧᔑᔑᑦ ᑫᑭᐅᐣᑎᓇᐸᐣ ᒋᐃᐡᑯᓄᐊᐧᑫᐨ ᐃᐡᑲᐧᑭᔑᑐᐨ ᐦᐊᔾ ᐢᑯᓫ. ᐊᐱ ᐊᓴᐨ ᔓᓂᔭ ᐃᒪ RESP, ᐅᑭᒪᐃᐧᐣ ᑫᐃᐧᐣ ᐃᒪ ᐅᑲᐊᓴᐣ ᔓᓂᔭᐣ ᒋᐅᒋᐃᐧᒋᐦᐃᑯᐨ ᑭᑕᐊᐧᔑᔑᑦ ᐅᒪᐊᐧᒋᒋᑫᐦᐃᑯᐃᐧᐣ ᐃᐧᐸᐨ ᒋᓇᐣᑭᐦᐅᓂᐨ.

ᐊᓂᐣ ᒥᓂᑯᐠ ᑫᑭᒥᓇᑲᓄᐸᐣ ᐣᑕᐊᐧᔑᔑᑦ.

ᑲᑭᓇ ᐊᐃᐧᔭ ᑕᑭᒥᓇᑲᓄ ᑲᓇᑕ ᐃᐡᑯᓄᐃᐧ ᒪᐊᐧᒋᒋᑫᐃᐧᐣ ᐅᑭᒪᐃᐧᐣ ᑲᐸᑭᑎᓇᐨ, ᐁᑲᐧ ᔕᑯᐨ ᐊᓂᐣ ᒥᓂᑯᐠ ᐅᑭᒪᐃᐧᐣ ᑫᐸᑭᑎᓇᐨ ᑕᐅᐣᒋ ᑎᐸᐸᐣᒋᑲᑌ ᒥᓂᑯᐠ ᑲᑲᐡᑭᒋᑫᔦᐠ ᑭᑎᐯᐣᒋᑫᐃᐧᓂᐠ ᑕᐠᐢ ᑎᐸᐦᐃᑫᐃᐧᓇᐣ ᑲᐃᐡᑲᐧᐸᑫᐧᓂᑲᑌᐠ. ᐊᐱ ᐊᓴᐨ ᔓᓂᔭ ᐃᒪ ᑭᑕᐊᐧᔑᔑᑦ ᐅᑕᒋᑫᐦᐃᑯᐃᐧᓂᐠ, ᐊᒥ ᒥᓂᑯᐠ ᐅᑭᒪᐃᐧᐣ ᑫᐃᔑᐸᑭᑎᓇᐨ:

40% ᐅᑲᓇᐣᑭᐸᑭᑎᓇᐣ: ᑭᐡᐱᐣ ᑲᐱᒥᑲᐡᑭᒋᑫᔭᐣ ᐁᑲ $45,282 ᐁᐃᓯᓭᐠ

30% ᐅᑲᓇᐣᑭᐸᑭᑎᓇᐣ: ᑭᐡᐱᐣ ᑲᐱᒥᑲᐡᑭᒋᑫᔭᐣ ᒥᓂᑯᐠ $45,283 ᐊᑯᓇᐠ $90,563 ᐁᐃᓯᓭᐠ

20% ᐅᑲᓇᐣᑭᐸᑭᑎᓇᐣ: ᑭᐡᐱᐣ ᑲᐱᒥᑲᐡᑭᒋᑫᔭᐣ ᐊᐊᐧᔑᒣ ᒥᓂᑯᐠ $90,564 ᐁᐃᓯᓭᐠ

ᐊᑯᓇᐠ ᒪᐊᐧᐨ ᒥᐢᑕᐦᐃ ᑫᐃᑯᐸᑭᑎᓂᐨ ᔓᓂᔭ ᒋᐊᒋᑫᐦᐊᑲᓄᐨ ᐯᔑᐠ ᐊᐊᐧᔑᒣ $7,200.

ᐊᓂᐣ ᑫᑐᑕᒪᐣ ᒋᒥᓇᑲᓄᐨ ᐣᑕᐊᐧᔑᔑᑦ ᐅᐁᐧᓂ ᑲᓇᑕ ᐃᐡᑯᓄᐃᐧ ᒪᐊᐧᒋᒋᑫᐃᐧᐣ ᐅᑭᒪᐃᐧᐣ ᑲᐸᑭᑎᓇᐨ.

ᑲᓇᑕᐧᐁᐣᑕᑯᐢ ᒋᐊᓴᐨ ᔓᓂᔭ ᐃᒪ RESP. ᐊᒋᑫᐃᐧᓂᐠ ᑫᑭᐅᐣᒋ ᑕᐱᑕᐤ ᐸᑭᑎᓇᐨ ᐅᑭᒪᐃᐧᐣ. ᑭᐣ ᐁᑲᐧ ᑭᑕᐊᐧᔑᔑᑦ ᑭᓇᑕᐁᐧᐣᑕᑯᓯᑦ ᒋᐊᔭᔦᐠ ᐊᓄᑭᐃᐧ ᒪᓯᓇᐦᐃᑲᓀᐢ ᑫᑭᐅᐣᒋ ᐱᐣᑎᑫᐱᐦᐅᑯᔦᐠ ᐃᐡᑯᓄᐃᐧ ᒪᐊᐧᒋᒋᑫᐃᐧ ᐅᓇᒋᑫᐃᐧᐣ ᒋᒥᓂᐨ ᑭᑕᐊᐧᔑᔑᑦ.

ᐊᓂᐣ ᐁᓇᑯᓂᑲᑌᐠ ᐅᐁᐧ.

ᐁᑲᐧ ᐅᐁᐧ ᑲᓇᑕ ᑭᑭᓄᐦᐊᒪᑫᐃᐧᐣ ᐸᑭᑎᓂᑫᐃᐧᐣ ᐃᒪ ᐁᑕ ᑕᑭᐃᔑᔭᐸᑕᐣ ᒣᑲᐧᐨ ᑭᒋᐃᐡᑯᓄᐃᐧᐣ ᑲᐅᑕᐱᓂᑲᑌᐠ. ᑫᒋᓇᐨ ᑕᐡ ᑭᑕᐊᐧᔑᔑᑦ ᒋᑲᑫᐧᐊᐸᒋᑐᐨ ᓇᐣᑕ ᑕᑭᐡᑭᓇᒪᐊᐧᑲᓄ. ᑭᐡᐱᐣ ᑭᑕᐊᐧᔑᔑᑦ ᐁᑲ ᐃᐧᐱᒥ ᐃᐡᑯᓄᐃᐧᐨ ᐃᐡᑲᐧ ᑭᔑᑐᐨ ᐦᐊᔾ ᐢᑯᓫ, ᐅᑭᒪᐃᐧᐣ ᑕᐃᔑᒋᑫ ᒋᑭᐁᐧᐅᑕᐱᓇᐨ ᔓᓂᔭᐣ ᑲᑭᒥᓂᑭᐸᐣ ᐃᒪ ᐸᑭᑎᓂᑫᐃᐧᓂᐠ.

ᒋᔭᓂᒪᒋᑕᓂᐊᐧᐠ