ᓂᓇᐃᐧᐠ ᐅᒪ

ᐊᐁᐧᓀᓂᐃᐧᔭᐠ

ᐁᑲᐧ ᐅᐁᐧ ᐊᒋᑫᐦᐃᑯᐃᐧᐣ SmartSAVER ᐃᔑᓂᑲᑌ ᐁᐃᐧᒋᐦᐃᑯᐊᐧᐨ ᑲᓇᑕ ᑎᐯᐣᒋᑫᐃᐧᓇᐣ ᒋᐅᒋ ᒪᒋᑕᐊᐧᐨ ᒋᐊᒋᑫᐦᐊᐊᐧᐨ ᐅᑕᐊᐧᔑᔑᒥᐊᐧᐣ ᑫᓂᐊᐸᒋᐊᐦᐊᐧᐨ ᐅᑎᐡᑯᓄᐃᐧᓂᐠ ᐁᑲᐧ ᒥᓇ ᐊᔭ ᐃᐧᑕᒪᑫᐃᐧᐣ ᐅᑭᒪᐃᐧᐣ ᑲᐸᑭᑎᓇᐨ ᔓᓂᔭᐣ ᒥᓇ ᐃᒪ ᐱᐊᐧᐱᑯᐠ ᑫᐅᒋᒪᒋᑕᔭᐸᐣ ᐃᐧᐊᒋᑫᔭᐣ.

ᐅᒪ ᐊᒋᑫᐦᐃᑯᐃᐧᐣ SmartSAVER ᒪᒋᑕᐃᐧᐣ ᑲᐃᐧᐣ ᒋᐱᒥᔓᓂᔭᑫᒪᑲᐠ ᑲᑭᒪᑕᓄᑲᑌᐠ ᐱᒧᒋᑫᐃᐧᐣ. ᓂᑎᓇᓄᑭᒥᐣ ᒋᐅᒋ ᐁᐧᐣᒋᓭᓂᐠ ᑎᐯᐣᒋᑫᐃᐧᓇᐣ ᒋᓂᓯᑕᐁᐧᑕᒧᐊᐧᐨ ᒥᓇ ᒋᑭᐅᐣᑎᓇᐊᐧᐨ ᐅᑭᒪᐃᐧᓂ ᔓᓂᔭᐣ ᑲᐊᔭᓂᐨ ᒋᑭᐊᐸᒋᐦᐊᐊᐧᐨ ᐊᐱ ᑭᑭᔑᑐᐊᐧᐨ ᐦᐊᔾ ᐢᑯᓫ ᒋᐊᐸᒋᑐᐊᐧᐨ ᐃᐡᑯᓄᐃᐧ ᐊᒋᑫᐦᐃᑯᐃᐧ ᐅᓇᒋᑲᐣ (RESP).

ᐊᐣᑕᐡ ᐁᐅᒋ ᑭᒋᓀᑕᑲᐧᐠ ᐅᐁᐧ ᐃᐡᑯᓄᐃᐧ ᐊᒋᑫᐦᐃᑯᐃᐧ ᐅᓇᒋᑫᐃᐧᐣ?

ᒥᐦᐅᒪ ᒪᐊᐧᐨ ᑫᐅᒋ ᐃᐧᒋᐦᐃᑯᐨ ᑭᑕᐊᐧᔑᔑᑦ ᒋᒪᒋᐊᒋᑫᐦᐊᑎᐸᐣ ᒋᐊᐸᒋᐦᐊᐨ ᔓᓂᔭᐣ ᑫᑎᐸᐦᐃᑲᑫᐨ ᐅᑭᒋᐃᐡᑯᓄᐃᐧᓂᐠ ᐃᐡᑲᐧ ᑭᔑᑐᐨ ᐦᐊᔾ ᐢᑯᓫ ᐁᐃᐧᒋᐦᐃᐁᐧᐨ ᑲᓇᑕ ᐅᑭᒪᐃᐧᐣ ᐃᒪ ᐃᓀᑫ:

  1. ᑲᓇᑕ ᐃᐡᑯᓄᐃᐧ ᐊᒋᑫᐦᐃᑯᐃᐧᐣ: ᒥᓂᑯᐠ ᑲᐱᒥᑲᐡᑭᒋᑫᔭᐣ ᑲᐅᒋ ᑎᐸᐸᒋᑲᑌ, ᐁᑲᐧ ᒪᐡᑯᐨ ᐊᑯᓇᐠ $2,000 ᒥᓂᑯᐠ ᑕᑭᐊᒋᑫᐦᐊᑲᓄ ᑭᑕᐊᐧᔑᔑᑦ ᐅᑎᐡᑯᓄᐃᐧ ᐊᒋᑫᐦᐃᑯᐃᐧᓂᐠ. ᐁᑲᐧ ᒥᓇ ᑲᐃᐧᐣ ᑲᓇᑕᐁᐧᓂᒥᑯ ᒋᐸᑭᑎᓇᐨ ᔓᓂᔭ.
  2. ᑲᓇᑕ ᐃᐡᑯᓄᐃᐧ ᒪᐊᐧᒋᒋᑫᐦᐃᑯᐃᐧᐣ: ᑭᐡᐱᐣ ᐊᓂᐱᒥᐊᒋᑫᑕᒪᐊᐧᐨ ᑭᑕᐊᐧᔑᔑᑦ ᐅᑕᒋᑫᐦᐃᑯᐃᐧᓂᐠ, ᐅᑭᒪᐃᐧᐣ ᑫᐃᐧᐣ ᐃᒪ ᐅᑲᔭᓂ ᓇᐣᑭᐸᑭᑎᓇᐣ ᒋᑭᔕᑕᐱ ᓇᐣᑭᐦᐅᓂᐨ ᐅᔓᓂᔭᒪᐣ.

ᓂᔕᐧᔦᐠ ᑫᑭᐅᒋ ᐃᐧᒋᐦᐃᑯᔭᐣ ᐅᒪ ᐊᒋᑫᐦᐃᑯᐃᐧᐣ

ᐃᒪ ᓂᑕᑦ, ᐅᐁᐧ ᐊᒋᑫᐦᐃᑯᐃᐧᐣ ᐅᐣᒋᑕᒪᐊᐧᐊᐧᐠ ᑎᐯᐣᒋᑫᐃᐧᓇᐣ ᐁᐃᐧᑕᒪᐃᐧᑕᐧ ᐊᐣᑎ ᑫᑭᐅᑎᓇᐊᐧᐸᐣ ᐅᑭᒪᐃᐧᓂ ᔓᓂᔭᐣ ᑫᐅᒋ ᑎᐸᐦᐊᒧᐊᐧᐨ ᐅᑕᐊᐧᔑᔑᒥᐊᐧᐣ ᐅᑎᐡᑯᓄᐦᐃᑯᐃᐧᓂᐣ.

ᐁᑲᐧ ᒥᓇ ᑯᑕᐠ, ᑲᐊᐸᑕᐠ ᐅᐁᐧ ᒋᒪᒋ ᐊᒋᑫᐦᐊᑲᓄᐨ ᒧᐡᑭᓀᐱᐦᐃᑲᐣ, ᑎᐯᐣᒋᑫᐃᐧᓇᐣ ᐅᑲᑭᑐᑕᓇᐊᐧ ᒋᒧᐡᑭᓀᐱᐦᐃᑫᐊᐧᐨ ᐅᒪ ᒋᐅᒋ ᒥᓂᑕᐧ ᐊᒋᑫᐦᐃᑯᐃᐧᓂ ᒥᓇ ᑯᑕᑭᓂ ᐃᐡᑯᓄᐃᐧ ᒪᐊᐧᒋᒋᑫᐦᐃᑯᐃᐧᓂ ᐃᒪ ᐱᐊᐧᐱᑯᐠ. ᐊᒋᑫᐦᐃᑯᐃᐧᐣ ᑲᐊᓄᑲᑕᒧᐊᐧᐨ ᐅᑭᒪᒋᐃᐧᑕᓄᑭᒥᑯᐊᐧᐣ ᔓᓂᔭᐃᐧᑲᒥᑯᐣ ᒥᓯᐁᐧ ᑲᐊᔭᑭᐣ ᑲᓇᑕ ᐊᐦᑭᐠ ᒋᐃᐧᒋᐦᐃᑕᐧ ᑲᐃᐧᒧᐡᑭᓀᐱᐦᐃᑫᐊᐧᐨ ᑲᓇᑕᐁᐧᑕᒧᐊᐧᐨ ᐊᒋᑫᐦᐃᑯᐃᐧᓂ ᒥᓇ ᐁᑲ ᓇᐣᑕ ᒋᐃᓇᑭᑕᒪᐃᐧᑕᐧ $0: ᑲᐃᐧᐣ ᑲᔦ ᑕᐊᑭᑕᒪᐊᐧ ᐅᒪ ᑲᐃᐧᐊᐸᒋᑐᐊᐧᐨ, ᑲᐃᐧᐣ ᑲᔦ ᑕᓱᔭᑭ ᑕᑎᐸᐦᐃᑫᐦᐊᓯᐊᐧᐠ ᒥᓇ ᑲᐃᐧᐣ ᑭᔭᑦ ᑕᑎᐸᐦᐃᑫᐦᐊᓯᐊᐧᐠ.

ᑲᐃᐧᑕᓄᑭᒪᔭᑭᑕᐧ

ᐅᒪ ᐊᒋᑫᐦᐃᑯᐃᐧᐣ ᐅᓇᑐᒪᐊᐧᐣ ᐱᑯ ᐊᐣᑎ ᑲᐅᒋ ᐊᓄᑲᑕᒧᐊᐧᐨ ᐊᒋᑫᐦᐃᑯᐃᐧᓂ ᑲᐃᐧᒋᑐᐊᐧᐨ ᑎᐯᐣᒋᑫᐃᐧᓇᐣ ᒋᑌᐱᓇᒥᓂᐨ ᑲᓇᑕ ᐃᐡᑯᓄᐃᐧ ᐊᒋᑫᐦᐃᑯᐃᐧᐣ ᒋᐅᒋ ᐃᐧᑕᓄᑭᒪᔭᑭᑕᐧ. ᑭᐡᐱᐣ ᐱᒧᑕᒪᑫᐊᐧᓀᐣ ᐊᒋᑫᐦᐃᐁᐧᐃᐧᐣ ᑲᔦ ᑲᐡᑭᑐᔭᐣ ᒋᑭᐃᐧᒋᐦᐊᑕᐧ ᑲᐃᓯᓭᓂᐠ ᐅᒪ ᒋᑭᐅᒋ ᐃᐧᒋᐦᐃᑕᐧ ᑎᐯᐣᒋᑫᐃᐧᓇᐣ ᒋᑕᐃᐧᓇᒧᐊᐧᐨ ᐊᒋᑫᐃᐧᓂ ᐁᑲ ᑲᔦ ᒋᑎᐸᐦᐃᑫᐦᐃᑕᐧ (ᐁᑲ ᒋᐊᑭᑕᒪᐃᐧᑕᐧ ᐅᒪ ᑲᐃᐧᐊᐸᒋᑐᐊᐧᐨ, ᐁᑲ ᑲᔦ ᑕᓱᔭᑭ ᑲᑎᐸᐦᐃᑲᓄᐊᐧᐠ ᒋᑎᐸᐦᐊᒧᐊᐧᐨ ᒥᓇ ᐁᑲ ᒋᑎᐸᐦᐃᑫᐦᐃᑕᐧ), ᐱᑲᓄᓂᔑᓇᑦ ᓄᑯᑦ ᑲᑭᔑᑲᐠ.

ᐅᒪ ᑲᔦ ᐊᒋᑫᐦᐃᑯᐃᐧᐣ ᑲᔦ ᐃᓇᓄᑭᒪᑲᐣ ᐁᐃᐧᑕᓄᑭᒥᐁᐧᒪᑲᑭᐣ ᓇᓇᑲᐤ ᐁᑲ ᑲᔓᓂᔭᑫᐃᐧ ᐱᒧᒋᑫᐃᐧᓂᐊᐧᑭᐣ ᑕᓇᐱᐃᐧᓇᐣ ᐊᓄᑭᑕᒪᑫᐃᐧᓇᐣ ᑫᒋᓇᐨ ᑎᐯᐣᒋᑫᐃᐧᓇᐣ ᒋᐅᒋ ᑭᑫᐣᑕᒧᐊᐧᐨ ᐅᐧᐁ ᑲᓇᑕ ᐃᐡᑯᓄᐃᐧ ᐊᒋᑫᐦᐃᑯᐃᐧᓂ ᒥᓇ ᐊᐣᑎ ᑫᑭᐅᒋᒥᓂᑕᐧ. ᑭᐡᐱᐣ ᐊᔭᔭᐣ ᐱᒧᒋᑫᐃᐧᐣ ᑲᐅᒋᐊᓄᑲᓂᑕᐧ ᑎᐯᐣᒋᑫᐃᐧᓇᐣ ᑲᐃᓯᓭᓂᐠ ᐅᒪ ᒋᑭᐅᒋ ᐃᐧᒋᐦᐃᑕᐧ ᑎᐯᐣᒋᑫᐃᐧᓇᐣ ᐅᐁᐧᓂ ᑲᓇᑕ ᐃᐡᑯᓄᐃᐧ ᐊᒋᑫᐦᐃᑯᐃᐧᓂ, ᐱᑲᓄᓂᔑᓇᑦ ᓄᑯᑦ ᑲᑭᔑᑲᐠ ᒋᐱᓇᓇᑕᐃᐧᑭᑫᑕᒪᐣ ᐊᓂᐣ ᑫᑭᐃᔑᐸᐸᒥᓯᔭᐸᐣ.